REUCHLINUS Johannes

REUCHLINUS Johannes
aliter Capnio dictus, Pfortzhemii, oppidô Marchionatus Badensis, natus, A. C. 1455. primus fere literas Ebraicas et Graecas in germaniam, socias iungente operas Rod. Agricolâ, importavit et feliciter propagavit: Iuris quoque et Humaniorum literarum scientissimus. Grammaticam Graecam a se scriptam, titulô μικροπαιδείας, publice Pictavii praelegit, A. C. 1480. ibidem A. C. 1481, tutulô Doctoris in Iure ornatus. Grammaticam Hebr. primus Latine scripsit et edidit. A. C. 1506. una cum Hebraeo Lexico. A principibus magni habitus: interrogatus a Maximiliano I. Imperatore, quid de cremandis Iodaeorum libris sentiret? respondit, quae blasphema exurenda, reliqua vero illorum scripta conservanda: Hinic illô famosis libellis in odium et invidiam vocatô, a Iudaeo Coloniae baptizato cognomine Pfefferkorn, qui hoc consilium Imperatori suggesserat, ut omnes Iudaeorum libri, nudô Bibliorum textu exceptô, comburerentur, vel saltem igni adiudicarentur, quo grandi aere pro
illis a Iudaeis depensô, ipse in partem lucri veniret; Liber eius a Coloniensibus Monachis exustus, indeque magnae utrinque lites ortae sunt; quâ occasione tum epistolas obscurorum virorum edidit. Scripsit quoque de Verbo mirifico, de Cabalae placitis etc. Obiit Stutgardii A. C. 1521. aetat. 67. Testamentô libros suos Ebraeos et Graecos collegio Phorcensi donavit, in templo publice asservandos, quo ab omnibus inspici possint. Erasm. in colloq. et adag. Paul. Iov. in elog. c. 143. Melchior Adami de Lit. Germ. etc. Vide et Iohannes.

Hofmann J. Lexicon universale. 1698.

Look at other dictionaries:

  • JOHANNES Amerbachius — Typographus Basiliesis celiberrimus, vatios cdidit Eccl. Patres, ius Canonicum, etc. Bibliothecam Carthusianorum magno librorum numero auxit. Filios habuit Brunonem, Basilium, et Bonifacium, viros doctrinâ, lingua rumque cognitione et usu… …   Hofmann J. Lexicon universale

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.